Atzealdea Zuen iritzia ezagutzeko gogobetetze inkesta bidali dugu

2022/05/16

Eskolak bakarrik ezin badu… Zer eta nola egin behar dugu udalerrian hobeto 16 urte bitartekoentzat politika egokia antolatzeko? izenburupean Lasarte-Oriako Manuel Lekuona Kultur Etxean antolatu dugun jardunaldia bukatuta, urteroko ohiturari jarraituz zuen iritzia ezagutu nahi dugu.

Gogobetetze inkesta prestatu dugu horretarako (aurreko loturan klik eginda betetzeko aukera izango duzue) eta, datorren ostiralera arte, maiatzaren 20ra arte (egun hori barne), izango duzue bete eta bueltan bidaltzeko aukera.

Zuen iritzia baliagarria izango zaigu datorren urteko topaketa hobetzeko. Aldez aurretik, mila esker.

Ziurtagiria eta bideoak

Manuel Lekuona Kultur Etxean izan zineten guztiok parte-hartze ziurtagiria jasoko duzue astean zehar zuen e-posta helbidean. Bestalde, astea amaitu aurretik hitzaldi guztien bideoak eta argazkiak zintzilikatuko ditugu webguneko Multimedia atalean.