2024/04/30
Udaltop Udaletako Euskara Zerbitzuen XVI. Topaketan izena emateko epea gaur zen amaitzekoa, baina, datorren astelehenera arte, hilak 6, luzatuko da. Momentuz, 150 lagunek baino gehiagok eman duzue izena, gehienok, Lasarte-Oriatik bertatik jarraitzeko asmoarekin.
Nola erakarri etorri berriak euskarara? Eta, euskaldunok, nola hurbildu etorri berrietara? izenburupean, oinarri teorikoak, ikerketak eta praktika onak bilduko ditugu bi egunez, gizarte eta hizkuntza politikak modu integratuan gauzatzeko bidean, etorri berrien harreran jarriko dugu fokua.
Matrikulak webguneko izen ematea atalean egin behar dira. Eta, hauxe, aurtengorako prestatu dugun egitaraua.