2024/03/11
Nola erakarri etorri berriak euskarara? Eta, euskaldunok, nola hurbildu etorri berrietara? izenburupean antolatu dugu Udaltop Udaletako Euskara Zerbitzuen Topaketaren XVI. edizioa. Eta, gaurtik aurrera, zabalik dago izena emateko epea; webgunean egin behar da, izen-emate atalean. Apirilaren 30an itxiko da izena emateko epea.
Azkeneko edizioetan bezala, Udaltop jarraitzeko bi aukera izango dira: aurrez aurre, Manuel Lekuona Kultur Etxean; eta, online. Prezioa, aukeraketaren araberakoa izango da: aurrez aurre, 70 € (bazkaria, bi egunetako hamaiketakoa eta merchandising produktuak barne); eta, online, 30 €.
Izen-ematea aktibatzeaz gain, webgunean egitaraua ikusteko eta deskargatzeko aukera aktibatuta dago. Aurtengo egitarauak, ohikoa lez, oinarri praktikoa, teorikoak eta praktika onak jasotzen ditu; guztira, bederatzi hitzaldi, talde-lana eta kultur emanaldia jasotzen ditu.