Eduki publikatzailea Eduki publikatzailea

Kirola: oinarritik euskaraz lelopean, egun Bizkaian kirola eta euskararen arteko lotura zein den azalduko du. Bere kirol ibilibidean eta azken zazpi urteetako lan esperientzian jasotakoa baliatuta, Euskal Herriko toki ezberdinetan ikusitakoa helarazten saiatuko da.

Ponentzia diagnosi orokor batetik abiatuko da, kirol eredu ezberdinak jorratuta eta euskarak eredu bakoitzean duen presentzia azpimarratuta. Halaber, kirol irakaskuntza formala eta informala ere izango ditu hizpide. Amaitzeko, egindako ikerketetatik abiatuta, eraginkorrak izan daitezkeen metodologiak plazaratuko ditu.

Koikili Lertxundi (1980) Otxandion (Bizkaia) jaio zen. Futbolari profesional ohia da eta Atheltic taldearekin maila gorenean jokatu zuen. Mirandeseko, Sestao Rivereko edota Beasaineko futbol taldeetan ere jokatu du besteen artean. Aldi berean, grekoerromatar borrokan ere ibili zen. Lertxundi Historian lizentziaduna da eta Itzarri enpresako sortzaileetako bat da. Egun, zuzendari eta koordinazio lanak egiten ditu EuSporten, zeinetan euskararen sustapenean aritzen diren lanean.

Izen-ematea

Gogoratu izen-emate epea ostiralean amaitzen dela. Oraindik ez baduzu zurea egin, lotura honetan egin dezakezu.