Publicador de contenidos Publicador de contenidos

Atrás

Josune Zabala Alberdi

Josune Zabala Alberdi

Josune Zabala Euskal Filologian lizentziatua da (EHU, 2002), Hizkuntzen aditu titulua eskuratu zuen (Mondragon Unibertsitatea, 2005) eta Euskal ikasketetan doktorego programa eta ikerketa gaitasuna burutu (EHU, 2008). Ondorengo ikerketa proiektuak egin ditu: a) Kortesia estrategia pragmatikoak. Teoriaren garapena; b) Kortesiaren azterketa euskarazko bi debateetan. Dimentsio enuntziatibora jauzia.

Lan ibilbidean, euskara eta bere irakaskuntza-ikerkuntzaren (H1/H2) alorra landu du: helduen euskalduntzean euskara irakasle eta trebatzaile (AEK eta udal euskaltegiak, 1999-2004); Euskara Biziberritzeko Planetan aholkulari (Azpeitiko euskara patronatua, 2004-2005), Mondragon Unibertsitatean irakasle (HUHEZI fakultatea, 2004-2008 eta 2012-2016),  Mintzola Fundazioan zuzendari (2009-2012), eta, Soziolinguistika Klusterrean Ikertzaile-teknikaria izan da, “Ahozko hizkuntzaren didaktika testuinguru soziolinguistiko eleanitzetan” gaiarekin (Andoain, 2013-2017).

Ikerketari dagokionez, HIJE taldeko (Hizkuntzaren jabekuntza eta erabilera, EHU) eta Eusko Ikaskuntzako Hezkuntza saileko partaide, eta Soziolinguistika Klusterrean ahozkotasunari buruzko ikertzaile eta formatzailea izan da.

Gaur egun, Hizkuntza ikerketa eta koordinazio zuzendaria Hizkuntza Politikarako Sailburuordetzan (Eusko Jaurlaritza, 2017).

Hitzaldia: Euskaraldia: mugimenduaren mintzoa

Eguna: maiatzaren 17an, 10:15etik 10:45era

Laburpena:

Euskaraldia: 11 egun euskaraz ekimenak herritarren hizkuntza ohituretan izan duen eragina ezagutu asmoz ikerketa proiektu bat abian da 2018ko urtarrilean. Ikerketa proiektu horrek ekimenaren gaineko azterketa kuantitatibo eta kualitatiboa egin ditu eta horri esker hizkuntza ohituren aldaketak aztertzeaz gainera herritarrek ekimenaren inguruan dituzten iritzi eta diskurtsoak ezagutzera eman dira. Ikerketa proiektua oraindik ere martxan den arren, jasotako emaitzen lehen ondorioak antzeman daitezke dagoeneko. Komunikazio honetan iker lerro kualitatiboaren baitan topatu direnetariko zenbait aurkezten dira. Zehazki, Euskaraldiko antolatzaileek eta parte-hartzaileek 11 egunez ikusi eta bizitu dituzten lankidetza desberdinen gaineko diskurtso nagusiak jasotzen dira.